Një ‘liqen’ me ujë të lëngshëm besohet se është gjetur në planetin Mars. Lajmin e kanë bërë të ditur shkencëtarët e NASA.
Sipas tyre liqeni është gjetur 20 kilometra nga poli i jugut në Planetin e kuq.
Studimet e mëparshme gjetën shenja të mundshme të ujit të rrjedhshëm në sipërfaqen marsiane, por kjo është shenja e parë e një trupi që besohet se ka ujë të vazhdueshëm.
Shtretërit e liqenit si ato të eksploruara nga sonda e NASA-s tregojnë se në të kaluarën,
uji ka qenë i pranishëm në sipërfaqen e Marsit.
Megjithatë, klima e planetit është ftohur për shkak të atmosferës së tij të hollë, duke bërë që shumica e ujit të ngrijë.
Zbulimi është bërë duke përdorur ‘Marsis’, një instrument radari në orbitën e Marsit.
‘Ndoshta nuk është një liqen shumë i madh’, thotë profesori Roberto Orosei nga Instituti Kombëtar Italian i Astrofizikës, i cili udhëhoqi edhe studimin.
Marsis nuk ishte në gjendje të përcaktojë se sa thellë mund të jetë shtresa e ujit, por ekipi i studiuesve vlerëson se është të paktën 1 metër.
‘Kjo me të vërtetë e kualifikon këtë vend si një burim uji. Nuk bëhet fjalë për një liqen si në Tokë, që mbush një hapësirë mes shkëmbit dhe akullit’, shtoi Prof Orosei.
Si u gjet liqeni?
Radarët e ‘Marsis’ kanë shqyrtuar sipërfaqen duke dërguar një sinjal në planet që kthehej pas. Në një moment sinjali i vazhdueshëm bëri që të lindte një interesim i madh nga ana e shkencëtarëve. Nën këtë pikë, studiuesit zbuluan diçka të pazakontë.
‘Në këtë dritën blu mund të shihni se reflektimet nga fundi janë më të forta se reflektimi i sipërfaqes. Kjo është diçka që na tregon tregimin për praninë e ujit’, thotë Prof Orosei.
Çfarë do të thotë kjo për jetën? – Ende asgjë përfundimtare thotë ai.
Foto:
Diskutime rreth kësaj post