Gazetari Ylli Rakipi shprehet se deputetët e opozitës parlamentare po përdoren sërish nga Edi Rama, sepse kryeministri i trembet koalicionit PD-LSI dhe kërkon me çdo mjet ta prishë atë. Sipas Rakipit, ky koalicion, e rrezikon seriozisht pushtetin e Ramës.
“Kjo mazhorancë, e sheh veten me dyshim për të marrë pushtetin për herë të tretë, apo të katërt, siç është përgatitur Edi Rama dhe siç flet ai për vitin 2030.
Një koalicon PD-LSI, që është i shkruar, e tremb dhe tmerron Edi Ramën. Ky koalicion, shto dhe partitë e tjera, e largon nga pushteti Edi Ramën. Në këtë mënyrë, ai po përdor mercenarët, të ashtuquajturën opozitë parlamentare, e cila është aty pa asnjë shkak dhe arsye dhe është ilegjitime. Nëse do të kishim Gjykatë Kushtetuese, ata do të ishin ilegjitimë. Rama po përpiqet të marrë benefitin e madh dhe të fundit të tyre”, – tha Rakipi.
Diskutime rreth kësaj post