Ylli Manjani zbulon prapaskenat: Përtej entuziazmit fallco të ambasadorëve, ja çfarë po ndodh me Gjykatën Kushtetuese

Ish-ministri i Drejtësisë Ylli Manjani ka reaguar menjëherë pas emërimit nga ana e Presidentit të Republikës të gjyqtarit Përparim Kalo si anëtarin e gjashtë të Gjykatës Kushtetuese.

Sipas tij, pa 3 të zgjedhurit nga Gjykata e Lartë, vendimmarrja në Gjykatën Kushtetuese është e mangët.

Manjani shkruan se përtej entuziazmit fallco të Ambasadorëve, ka ende punë për të ngritur Gjykatën Kushtetuese.

Postimi i plote:

“Iku dhe i gjashti. Dmth u emërua.

Tani janë edhe 3, që i duhen Gjykatës Kushtetuese. 1 mund të emërohet relativisht shpejt sepse i takon nga vendet që emëron Presidenti.

Gjykata e Lartë duhet të emërojë 2+1 anëtarët e saj në Gjykatën Kushtetuese. Janë 3 të zgjedhurit e Gjykatës së Lartë ato që bëjnë dallimin në vendimmarrjen e pavarur të Kushtetueses.

Pa 3 të zgjedhurit nga Gjykata e Lartë, vendimmarrja në Gjykatën Kushtetuese është e mangët, e pasigurtë dhe mbi të gjitha jo e pandikueshme nga politika.

Përtej entuziazmit fallco të Ambasadorëve, ka ende punë për të ngritur Gjykatën Kushtetuese”, shkruan Ylli Manjani.