Ish-ministri i Drejtësisë, Ylli Manjani duke marrë shkak nga debati për Eurobondin ka publikuar një deklaratë të kryeministrit Edi Rama të bërë në datën 4 dhjetor 2012, ku ky i fundit shprehet se ulja e borxhit publik është synimi i tij sapo të vijë në pushtet. “Ka bërë dhe deklarime të tjera edhe më tullë sesa ky.
Puna është se ne mendojmë prap që borxhi nuk është gjë e mirë sepse jo vetëm shoqëria pjell borxhlinj, por në thelb borxhi tregon se çfarë qeverie kemi. Sa më i lartë borxhi publik aq më e keqe është qeveria”, shkruan Manjani.
Postimi i Manjanit:
“Sa për informacion.
Për të gjithë ata që justifikojnë Edi Ramën që merr borxhe për të larë borxhet, po u sjell në vemendje këtë deklarim të Tij, të datës 4 dhjetor 2012:
“Një qeveri që është në gjendje të krijojë atë imazh që krijoi përmes atij kaosi për një festë si ajo e 100- vjetorit nuk ka dyshim që harton një buxhet rrënues. Lajmi i mirë është se ky është projektbuxheti i fundit i kësaj qeverie. Ai është afirmimi më elokuent i domosdoshmnërisë për një rilindje shqiptare. Ky buxhet është treguesi më i qartë se pse 2013-a duhet të jetë viti i ndryshimit. Ne e kishim paralajmëruar rrezikun e rrënimit. Kjo qeveri po e lë familjen shqiptare me më pak fuqi blerëse dhe më shumë taksa. Rritja e fuqisë blerëse është detyrimi ynë parësor. Qeveria po e lë më keq se e gjeti borxhin publik shqiptar. Nuk është shteti që i lan borxhet, por çdo familje shqiptare, të cilës qeveria i heq 800 mijë lekë në vit, për të paguar borxhet që Saliu merr për ethet e karriges së vet. Ulja e borxhit është një detyrim i pashmangshëm i të gjitha qeverive që kanë përgjegjësinë të mirëqeverisin popullin dhe të mos mbingarkojnë me borxhe brezat e ardhshëm. Ulja e borxhit është synimi ynë për vitin që vjen”. (Citim i marrë në gazetën Dita)
I ka thënë vetë Edi Rama në opozitë dhe i dhamë të drejtë, i besuam qeverisjen. Ka bërë dhe deklarime të tjera edhe më tullë sesa ky.
Puna është se ne mendojmë prap që borxhi nuk është gjë e mirë sepse jo vetëm shoqëria pjell borxhlinj, por në thelb borxhi tregon se çfarë qeverie kemi.
Sa më i lartë borxhi publik aq më e keqe është qeveria.
Pra njerëzit nuk paguajnë vetëm paret e borxhit, por edhe koston e keqqeverisjes, e cila bëhet gjithnjë e më e keqe.
Mirëpo Edi Rama i qeverisë sot, nuk ka asnjë lidhje me asnjë rrjesht të fjalëve që ka thënë vetë.
Kjo puna e borxheve ka ngrënë koka qeverish e qeveritarësh gjithandej në Europë.
Sa për informacion, vetë Bashkimi Europian është sot në mes dilemës të rrimë bashkë dhe solidar në borxhe, apo të marrë secili borxhin e vet dhe të shpërbëhet bashkimi…”, ka shkruar ai.
Diskutime rreth kësaj post