Ish-ministri i Drejtësisë, Ylli Manjani ka reaguar sërish për Kodin e ri Zgjedhor. Sipas tij, kodi i ri që pritet të ri-miratohet godet ndershmërinë e zgjedhje.
Postimi i Manjanit:
“Edhe njëherë krejt përmbledhtas dhe pa shumë ujra. Kodi Zgjedhor që pritet të ri-miratohet godet:
1. Ndershmërinë e zgjedhjeve, sepse ndryshon në substancë rregullat, kur loja ka filluar.
2. Të drejtën kushtetuese për t’u zgjedhur, sepse një kandidati i kërkohet 1% n shkallë vendi, kur garën e ka brenda një qarku.
3. Të drejtën e minoriteteve për të siguruar përfaqësim në vendimmarrjen politike të shtetit. Angazhim themelor ky i shtetit tonë si anëtar i Këshillit të Europës.
Këto janë çështje themelore që duhen trajtuar me KUJDES.
Kodi Zgjedhor ashtu siç është e ka të domosdoshëm një KONTROLL KUSHTETUES, nga Gjykata Kushtetuese. Meqë nuk e kemi këtë të fundit, duhet kujdes, maturi, durim. Jo politikë partiake…
Çështjet e tjera si psh me koalicion pa koalicion, janë retorikë politike sipas interesave të palëve.”, shkruan Manjani.
Diskutime rreth kësaj post