Vjen sonte në Tiranë për Natën e Bardhë, këngëtarja e famshme merr një lajm të zi

Festimet per Naten e Bardhe sjellin sonte ne Tirane kengetaren me fame boterore Emeli Sande.

Por pak ore para nisjes per Tirane, ajo ka marre lajmin e zi qe i kanë vjedhur 300 mijë Paund nga llogaria bankare.

Sipas mediave britanike, këngëtarja dhe ish-bashkëshorti i saj ranë pre e një skeme të vjedhjes online. Por, fatmirësisht çështja u zgjidh dhe autoritetet britanike në Londër zbuluan autorin e dyshuar, që është Rasad Salam. Ngjarja ka ndodhur para disa ditësh, por është zbuluar sot nga mediat.

Ish-bashkëshorti i këngëtares, Adam Gouraguine u vu në shënjestër të hajdutëve, të cilët përdorën të dhënat personale të llogarisë bankare të tij dhe transferuan 300 mijë Paund.

Gouraguine vuri re lëvizjen e dyshimtë të parave dhe kontaktoi menjëherë me bankën.

Autoritetet u vunë në lëvizje dhe zbuluan skemën mashtruese, duke ndaluar vjedhjen e parave. Këngëtarja Emeli Sande dhe ish-bashkëshorti i saj janë ndarë përpara një viti, por ende kanë një llogari të përbashkët bankare.