Kuvendi i Shqipërisë ka vendosur që deputeti Kujtim Gjuzi të përjashtohet me 10 ditë nga komisionet dhe seancat plenare pasi i ndërpreu fjalën kryeministrit Rama në Parlament.
Në vendimin thuhet se sjelljet e tij janë të përsëritura dhe kanë penguar seancën. Deputeti ka replikuar disa herë nga vendi pa iu dhënë e drejta e fjalës.
Mbi vendimin në fjalë, reagoi vetë Gjuzi, i cili në një lidhje direkte për emisionin “Shqipëria Live” deklaroi se nuk i ka sjellë asnjë problem kryeministrit, përkundrazi sipas tij, ai i ka sjellë atij.
“Çfarë etike kam ndërhyrë? I kam thënë kryeministrit (në parlament) mos gënje”, – u shpreh Gjuzi, që deklaroi gjithashtu se ka marrë kërcënime nga numri i telefonit të kryeministrit Rama.
“Më ka thënë të tërheq zvarrë nga parlamenti, por unë jam 100 kilogramë burrë”, – tha Gjuzi.
“Shpresoj që kryetari i Kuvendit, byroja parlamentare të shohin shkeljen e procedurave”.
Në vendimin për sjelljen e tij thuhet se sjelljet e tij janë të përsëritura dhe kanë penguar seancën. Deputeti ka replikuar disa herë nga vendi pa iu dhënë e drejta e fjalës.
Pavarësisht se i është tërhequr vëmendja nga kreu i Kuvendit ai është ngritur nga vendi dhe i është drejtuar foltores, ku po fliste kryeministri Edi Rama.
Diskutime rreth kësaj post