Vizita e Ramës në Turqi, pedagogu i njohur zbulon se çfarë po synon të bëjë kryeministri para 25 Prillit

Pedagogu Erlis Çela ka komentuar  vizitën dy ditore në Turqi të kryeministrit Edi Rama.

Ai u shpreh se vizita e Ramës nuk synon të ndryshojë kurs diplomatik sa i takon marrëdhënieve me Turqinë apo vendeve të tjera, por kjo vizitë sipas tij është manovër elektorale.

Komenti i Erlis Çela:

“Nuk mendoj se Rama është në një moment për të ndryshuar kursin diplomatik për marrëdhëniet sa i përket Turqisë dhe vendeve të tjera. Duket se vizita është zgjedhur në vazhdën e axhendës elektorale të kryeministrit. Edhe nga axhenda dhe nga diskutimi, duket se i shërbejnë logjikës elektorale të kryeministrit për të paraqitur veten si lideri rajonal për të zgjidhur konfliktet rajonale”, tha ai për Euronews.

Pedagogu tha se Shqipëria nuk ka alternativë të dytë sa i takon integrimit përveçse Bashkimit Evropian.