Veliaj në burg, Rama inspekton punimet e Teatrit të Ri Kombëtar: Do të jetë një nga më të bukur të ndërtuar në Europë

Kryeministri Edi Rama, ka inspektuar në kantierin e Teatrit të Ri Kombëtar, punimet për të cilin priten të përfundojnë brenda këtij viti.

Ai ka komunikuar nga afër me punonjësit për çdo detaj.

Gjithashtu, Rama ka theksuar se Shqipëria 2030 në BE do të ketë një nga teatrot më të bukur të ndërtuar në Europë, pas Luftës së Dytë Botërore.

“Në kantierin e Teatrit të Ri Kombëtar, vepër e njërit prej arkitektëve më të mëdhenj bashkëkohorë, Bjarke Ingels, studio daneze BIG, që tanimë pas përfundimit të punimeve të vështira të nëntokës, ka nisur të marrë formë në rrugën drejt përfundimit të krejt punimeve ndërtimore brenda këtij viti. Shqipëria 2030 në BE do të ketë një nga teatrot më të bukur të ndërtuar në Europë pas Luftës së Dytë Botërore”.