Urdhër arresti i Gjykatës Ndërkombëtare për Putinin, Afrika e Jugut në dilemë, çfarë pritet të vendoset

Afrika e Jugut po shqyrton opsionet ligjore nëse presidenti rus Vladimir Putin, subjekt i një urdhërarresti për krime lufte, merr pjesë në një samit të ekonomive në zhvillim të BRICS në Johannesburg në gusht. Lajmi është bërë i ditur nga ministri i jashtëm i Afrikës së Jugut Naledi Pandor.

Gjykata Ndërkombëtare Penale ka lëshuar një urdhër për presidentin rus në lidhje me pushtimin rus të Ukrainës, dhe Afrikës së Jugut si një anëtare e ICC teorikisht do t’i kërkohet ta arrestojë atë nëse ai merr pjesë në samitin e BRICS.

“Qeveria jonë aktualisht po shikon se cilat janë opsionet ligjore në lidhje me këtë çështje dhe unë kam treguar se është diçka që presidenti do të jetë personi më i mirë për të folur për këtë, pasi të ketë arritur një përfundim,” tha Pandor në takimin e ministrave të jashtëm të BRICS në Cape Town.

“Ftesat janë lëshuar për të gjithë krerët e shteteve nga Brazili, Rusia, India, Kina dhe Afrika e Jugut për samitin e 22-24 Agusut në Johannesburg”, – shtoi ajo.

GJNP lëshoi urdhrin për Putinin në mars dhe e akuzon atë për krime lufte, dëbimin me forcë të fëmijëve nga territori i pushtuar nga Rusia në Ukrainë. Nga ana tjetër Moska i mohon akuzat.