U shërua nga koronavirusi, mjeku Roland Xhaxho rrëfen për herë të parë ditët e vështira brenda mureve të spitalit

Mjeku i njohur Roland Xhaxhoi fatmirësisht është shëruar plotësisht nga koronavirusi dhe ka lënë ambientet e spitalit të Infektivit.

Ndërsa për herë të parë ai ka rrëfyer ditët e tij brenda spitalit, dhe luftën që kaloi me këtë sëmundje. Mjeku ka zbuluar se ditët e para të përballjes me COVID-19 ishin më të vështirat.

“Duke qenë mjek reanimator dhe duke i njohur komplikimet, për mua ishte e papritur, por ndodhi. Ditët e para, tek unë u shfaq me temperaturë, më pas me humbjen e oreksit. Kjo më shqetësoi dhe u detyrova të bëja tampon e skaner, ku rezultoi që isha pozitiv.

Ditët e para ishte shumë e vështirë, pasi karakteristike e kësaj sëmundje është temperature dhe problemet respiratore, pasi krijon probleme me frymëmarrjen. Kështu që u detyrova të shtrohem në spital. Pesë ditët e para kanë qenë më të vështira. Unë e kalova pa u intubuar, falë mjekimit”, tha mjeku Xhaxho.

Ai thotë se nuk është futur në reanimacion, por mjekët i kanë krijuar një zonë si reanimacion, me respirator dhe të gjitha pajisjet.