Deputeti i PS, Eljo Hysko ka reaguar një ditë pasi u bë publik lajmi se është infektuar me covid-19, bashkë me dy kolegë të tij, Ralf Gjoni dhe Enver Roshi.
Në një reagim në rrjetet sociale, Hysko thotë se aktualisht është në gjendje të mirë shëndetësore, por tregon se i është dashur të marrë edhe trajtim mjekësor.
Postimi i plotë:
“Të dashur miq,
Ju falenderoj nga zemra për interesimin e sinqertë ndaj meje dhe familjes time pas publikimit të lajmit në media.
Fatmirësisht gjendja ime shëndetësore pas trajtimit mjekësor është shumë e mirë.
Mirënjohje për punonjësit e palodhur të shëndetësisë që këto ditë përballen me rrezikun dhe punojnë për të shpëtuar jetë.
Virusi është i rrezikshëm dhe ka goxha pasoja serioze ndaj jua them nga zemra bëni kujdes vendosni maskën, ruani distancimin social dhe higjenën personale.
Le t’i japim një dorë mjekëve në punën e tyre duke u bërë edhe më të kujdesshëm në jetën tonë të përditshme”, – shkruan deputeti.
Diskutime rreth kësaj post