U bë për herë të parë gjyshe, Jozefina Topalli rrëfen e përlotur: Vajzën e kam lindur në ditën që u fut nën dhe babai im

Ish kryeparlamentarja Jozefina Topalli, e ftuar tek emisioni i Rudinës tregoi emocionet e të bërit gjyshe dhe kujtoi edhe ardhjen në jetë të vajzës.Këtë detaj ajo nuk e kishte treguar asnjëherë më parë.

“Ardhja e Megit në jetë ka ardhur në një mënyrë të pazakontë. Unë e kam lindur ditën e varrimit të babit tim. Lindja e saj ndodhi pak orë pasi ai vdiq, domethënë u përshpejtua nga kjo që ndodhi. E mbaj mend atë ditë me shumë emocion.

Mbaj mend që arkivoli i babait tim kaloi përballë maternitenit. Janë këto ngjarje që të bëjnë ta shikosh ndryshe jetën, për më shumë mirëkuptim në familje dhe harmoni”, rrëfeu Jozefina në Klan.