Ministrat e jashtëm të Turqisë, Rusisë dhe Katarit riafirmuan të Enjten vendosmërinë e tyre për të kundërshtuar planet separatiste në Siri.
Pas një takimi trepalësh midis ministrit të Jashtëm turk Mevlüt Cavusoglu, atij rus Sergei Lavrov dhe zv.kryeministrit të Katarit dhe ministrit të Jashtëm Sheik Muhamed bin Abdulrahman Al Thani, u lëshua një deklaratë e përbashkët duke theksuar se ata u takuan në Doha për të diskutuar mbi konfliktet në Siri dhe mënyrat në të cilat ato do të kontribuojnë në një zgjidhje politike të qëndrueshme.
Angazhimi për mbrojtjen e sovranitetit sirian, pavarësisë, unitetit dhe integritetit territorial, në përputhje me rezolutat e Kombeve të Bashkuara, u theksua dnw deklaratw, si dhe qwndrimi se një zgjidhje ushtarake e konfliktit në Siri nuk është e mundur.
Ministrat përsëritën angazhimin e tyre për avancimin e procesit politik të KB për të mbështetur palët siriane në arritjen e një zgjidhjeje politike, në përputhje me Rezolutën 2254 të Këshillit të Sigurimit të KB dhe Deklaratën e Gjenevës 2012.
Ministrat theksuan vendosmërinë e tyre për të luftuar terrorizmin në të gjitha format e tij dhe për të kundërshtuar planet separatiste që do të dëmtonin sigurinë kombëtare të vendeve fqinje, si dhe sovranitetin dhe integritetin territorial të Sirisë.
Deklarata theksoi rolin e rëndësishëm të Komitetit Kushtetues dhe nevojën që palët në Siri të respektojnë parimet themelore të punës së Komitetit, si dhe ofroi mbështetje për angazhim konstruktiv në punën e Komitetit pa ndërhyrje të jashtme.
Për të përmirësuar situatën humanitare në Siri dhe për të mbështetur progresin në procesin e marrëveshjes politike, u theksua nevoja për të rritur ndihmën humanitare për të gjithë sirianët në të gjithë vendin pa diskriminim, politizim dhe parakushte.
Gjithashtu u theksua se theksuan nevoja për të lehtësuar kthimin e sigurt dhe vullnetar të migrantëve dhe personave të zhvendosur brenda vendit.
U theksua rëndësia e bashkëpunimit dhe mbështetjes për iniciativat për ndërtimin e besimit përmes lirimit të të burgosurve, veçanërisht grave, fëmijëve dhe të moshuarve.
Diskutime rreth kësaj post