Policia e Tiranës ka njoftuar sot se në orët e fundit kanë ndodhur tre ngjarje të rënda. Në një njoftim për mediat, blutë e Tiranës bëjnë me dije se ka ndodhur një aksident, ku një 69-vjeçar është përplasur nga një makinë dhe është dërguar menjëherë në spital.
Po ashtu bëhet me dije se një 59-vjeçar ka rënë nga lartësia dhe po ashtu është dërguar menjëherë në spital, ndërkohë që shtohet se rreth orës 14:45, në vendin e quajtur “Bregu i Lumit”, një shtetas ende i paidentifikuar, dyshohet se aksidentalisht ka rënë në kontakt me rrymën elektrike, ku për pasojë ka ndërruar jetë.
NJOFTIMI I PLOTË:
“Me date 09.06.2020, rreth orës 14:05, në rrugën “Dritan Hoxha”, mjeti me drejtues shtetasin H.M., 49 vjeç, ka aksidentuar kembesorin P.Z., 60 vjeç, i cili u dërgua në spital, dhe ndodhet nën kujdesin e mjekëve. Me datë 09.06.2020, rreth orës 14:20, tek Ish-dogana, ka rënë nga lartësia e një pallati në ndërtim shtetasi R.K., 59 vjeç, i cili u dërgua menjeherë në spital dhe ndodhet nënkujdesin e mjekëve.
Me datë 09.06.2020, rreth orës 14:45, në vendin e quajtur “Bregu i Lumit”, një shtetas ende i paidentifikuar, dyshohet se aksidentalisht ka rënë në kontakt me rrymën elektrike, ku për pasojë ka ndërruar jetë. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.” – thuhet në njoftim.
Diskutime rreth kësaj post