Të paktën 29 persona humbën jetën dhe 14 u plagosën sot pas zjarrit të rënë në një ndërtesë ku ishte ndërtuar një sallë për sporte dhe një sauna në Jecheon, në Korenë e Jugut, sipas forcave zjarrfikëse.
Prania e zjarrit u konstatua rreth orës 16:00 (07:00 GMT) ku në mënyrë mjaft të shpejtë është përhapur në të gjithë godinën, duke izoluar disa persona.
”Forcat e shpëtimit gjetën 27 trupa në sauna dhe dy të tjerë në ndërtesë”, njoftoi Agjencia Kombëtare Kundër Zjarreve.
Pamje spektakolare në televizione shfaqnin flakë dhe shtëllunga të mëdha tymi që dilnin nga ndërtesa tetë katëshe, ndërsa disa persona ishin strehuar mbi një tarracë në pritje të forcave të shpëtimit.
”Zjarri, që fillimisht u shfaq në një parking që ndodhej në katin e poshtëm të ndërtesës, ishte praktikisht nën kontroll por bilanci mund të përkeqësohet,pasi forcat e shpëtimit nuk kanë përfunduar ende kërkimet në ndërtesë”, saktësoi një zëdhënës i forcave zjarrfikëse.
“Zjarri është përhapur në mënyrë të shpejtë në tym toksik, dhe disa persona nuk kanë mundur të evakuohen”, sqaroi ai.
Jecheon ndodhet në qendër të Koresë së Jugut, rreth 120 kilometra në juglindje të Seulit.
Presidenti korean-jugor, Moon Jae-In shprehu keqardhje të thellë për këtë tragjedi, bëri të ditur zyra e tij.
Diskutime rreth kësaj post