Tom Doshi surprizon sërish, shikoni sa vota ka marrë në listat e kandidatëve të Shkodrës pasi dha dorëheqjen nga mandati

Tom Doshi, kreu i partisë Social-Demokrate i cili hoqi dorë nga mandati para publikimit të rezultateve zyrtare nga Komisioni Qendror i Zgjedhjeve, rezulton të ketë marrë 588 vota në bashkinë e Shkodrës ku kandidonte i pari në listat e partisë së tij.

Në raport me kandidatët e partive të tjera, deri tani Doshi renditet i gjashti pas kandidatëve demokratë dhe socialist në qarkun e Shkodrës.

Doshi u dorëhoq nga mandati i deputetit por theksoi se do vazhdojë të qëndrojë në krye të PSD-së. Pak orë nga dorëheqja , Doshi deklaroi se është i gatshëm për koalicion me Ramën por me Bashën kurrë.

Kandidimi i tij në zgjedhjet e 25 Prillit solli mjaft reagime të forta nga ana e ambasadës amerikane, pasi DASH e ka shpallur atë person non-grata.