Thomas Friedman: Ç’rrjedhë mund të ketë bota pas koronavirusit?

Kolumnisti dhe analisti politik amerikan Thomas Friedman beson se shpejtësia e përhapjes së koronavirusit dhe zgjerimit të tij është ndikuar ndjeshëm nga shfaqja e tij në një botë të mbizotëruar nga teknologjia dhe mjetet e komunikimit.

Një artikull në New York Times me titull “Momenti ynë i ri historik: Bota para dhe pas koronavirusit”, ai thotë se revolucioni që u zhvillua në fushën e komunikimit pas 2004-s, jo vetëm që rezultoi që bota të lidhej e afrohej më shumë, por gjithashtu çoi në atë që të bëhet dhe e ndërvarur.

Friedman beson se teknologjia e komunikimit ka nxitur rritjen ekonomike, por nga ana tjetër ka lehtësuar transmetimin e problemeve në të gjithë botën.

Kur gjërat shkojnë keq në një vend, problemi mund të transmetohet më shpejt, më larg dhe më thellë se kurrë.

“Pra, kur një shigjetë e infektuar nga një virus ngulet te një gjitar në Kinë, i cili më pas tregtohet në tregun e kafshëve të egra në Wuhan, dhe pra infekton konsumatorin kinez me një koronavirus, brenda disa javësh të gjitha shkollat ​​publike në vendin tim janë të mbyllura dhe unë qëndroj në një distancë prej dy metra nga të tjerët”, – shtoi ai.

Friedman pyet dhe veten nëse kjo pandemi do të ndryshojë ndjeshëm kulturën apo politikën amerikane.

Ai thotë se nuk ka asnjë shpresë te politika në luftën kundër COVID-19, porse Amerika do t’i mbijetojë krizës falë thellësisë së talentit, përgjegjësisë, përkushtimit dhe vetëmohimit të shkencëtarëve, mjekëve dhe ekspertëve të katastrofës dhe mjedisit.

Ai theksoi se shpërthimi i koronavirusit mund të ndryshojë kulturën politike para se të përfundojë kjo.

Ai citon mendimin e mikes së saj, profesoreshë Michelle Gelfand të Universitetit të Maryland, si një argument.

Ajo së bashku me kolegët e saj në universitet përgatitën një studim për revistën Science disa vjet më parë.

Në atë studim, ata i klasifikuan shoqëritë si “të rrepta” dhe “liberale”, varësisht nga sa përparësi i dhanë lirisë ose respektimit të rregullave.

Sipas Gelfand, “Shoqëritë e rrepta, të tilla si Kina, Singapori dhe Austria, kanë shumë rregulla dhe ndëshkime për menaxhimin e sjelljes shoqërore.”

“Qytetarët në këto vende janë mësuar me një nivel të lartë kufizimesh, i cili synon të forcojë sjelljen e mirë. Kulturat liberale, në vende të tilla si Shtetet e Bashkuara, Italia dhe Brazili, kanë rregulla më të dobëta dhe dukshëm më tolerante”, – argumenton ajo.

Gelfand paralajmëron se këto ndryshime në ashpërsi dhe liri midis vendeve nuk janë aksidentale.

“Vendet që miratojnë ligje të forta dhe kanë regjime të rrepta janë vende që kanë vuajtur në të kaluarën nga uria, luftërat, katastrofat natyrore, epidemitë dhe sëmundjet infektive”, – tha ajo.

Ajo shtoi se vendet e prirura ndaj katastrofave kanë mësuar rrugën e vështirë nëpër shekuj që rregullat e rrepta shpëtojnë jetë.

Nga ana tjetër, kulturat që nuk përballeshin me shumë rreziqe, siç janë Shtetet e Bashkuara, shijuan luksin e një regjimi lejues.

Gelfand vë i në dukje se është mjaft e qartë se shoqëritë e njohura për “masa shtrënguese” si Singapori dhe Hong Kongu kanë treguar një përgjigje më efektive në trajtimin e koronavirusit.