Ditën e sotme, Ministrja Belinda Balluku, është vetëprezantuar zyrtarisht në Dibër, si drejtuese politike e Qarkut, ku Balluku fa folur nga Peshkopia, qyteti më i madh verlindor, duke e quajtur Dibrën një “bukuroshe të fjetur që duhet zgjuar”, sidomos falë veprës afër fundit, Rrugës së Arbrit, e cila e bën të gjithë zonën më të afërt me Tiranën, pra e sjell më afër zhvillimit.
Aty ishte dhe Kryeministri Rama, në kuadër të një fushate për ripërtritjen e strukturave socialiste ne bazë, ku priten të zgjidhen krerë të rinj të degëve.
Në vetëprezantimin e Ministres Balluku, ka veçuar evidentimi prej saj i faktit se është mbesë në atë zonë, diçka e paditur deri më sot nga publiku. Thuhet se një ndër të parët e saj ka qenë themelues i një prej shkollave më të njohura të Dibrës, Internatit të Kastriotit.
Ndërkohë, duke vlerësuar mençurinë dibrane, Balluku citoi një dibran, biznesmen i njohur i zonës në agrikulturë, t’i këtë thënë se “vetëm Zotit i ka hije vetmia”, përkthyer që, ndryshe nga Krijuesi që është Një dhe i Vetëm, krijesat janë shumë dhe duhet të bashkëpunojnë, bashkëveprojnë e bashkëjetojnë mes tyre.
Diskutime rreth kësaj post