Kryetari i Bashkisë së Dibrës, Dionis Imeraj ka reaguar për tërmetin e pak minutave më parë, ku tha se kanë qenë dy lëkundje të lehta dhe se deri në këto momente nuk raportohet për dëme apo emergjenca për shkak të lëkundjeve.
Imeraj tha për Report Tv se pas lëkundjes së parë grupet e emergjencave kanë dalë në terren për verifikimin e situatës, por që deri tani situata është e qetë.
“U ndjenë dy lëkundje që ishin të lehta dhe të shkurta. Deri në komunikimet e tanishme nuk kemi dëme materiale.
Nuk u ndjen shumë si lëkundje dhe nuk ka nevojë për panik. Janë ngritur grupet e emergjencave në terren për emergjencat që mund të kenë”, tha Imeraj.
Diskutime rreth kësaj post