Blendi Fevziu ka komentuar situatën aktuale në PD. Gazetari u pyet nëse i njëjti precedent që u krijua në selinë blu mund të ndodhë edhe në Partinë Socialiste.
Por Fevziu tha se aktualisht nuk e sheh këtë skenar tek PS. Megjithatë ai u shpreh se socialistët mund të kenë pësime të tjera, por është ende herët për t’i evidentuar rreziqet.
Pjesë nga intervista në Klan News
Mirela Milori: Ky precedent që u krijua në PD mendon që mund të gjejë vend në PS?
Blendi Fevziu: Jo!
Mirela Milori: Edhe sikur të dalë në opozitë?
Blendi Fevziu: Këtë që bëri Berisha tek PD, vështirë se e bën dot ndonjë politikan tjetër në Shqipëri. Nuk e di, mund ta kishte bërë, edhe e bëri në fakt në përmasa më të vogla Nano në vitin ’99-2001. Edhe ai u nis, madje rrëzoi kryeministër në pushtet. Pra nuk besoj që dikush tjetër mund të hyjë. Nuk e shoh këtë skenar tek PS. PS mund të ketë pësime të tjera, por për momentin është akoma… Nuk e sheh nga mund t’i vijë rreziku. Mundohem të shoh ku është xhami i krisur i PS, por akoma nuk po e dalloj. Kam menduar që problemi kryesor i Ramës dhe kjo ka qenë gjëja që më ka ndarë me Ramën ka qenë që Unë e kam parë Ramën si një njeri pak më autoritarist brenda PS që prishi një frymë më të hapur, më liberale, më demokratike, po e quaj më debatuese që e kishte krijuar Fatos Nano. Ai ishte modeli perfekt i një partie politike. Rama shkoi drejt modelit të Berishës dhe më tej sot.
Diskutime rreth kësaj post