Ndonëse është shfaqur prej kohesh si njëri prej mbshtetsve më të mëdhenj të manjatit dhe nuk ngurroi të bëhej pjesë aktive e fushatës së tij presidenciale, Rudi Xhuliani nuk do të ketë një vend në administratën Trump.
Ekipi i tranzicionit të presidentit të zgjedhur të Shteteve të Bashkuara njoftoi përmes një deklarate se Xhuliani është tërhequr nga pretendimet për një post të caktuar, i cili sipas raporteve në media ështe ai i sekretarit të shtetit.
“The New Yorker” ishte shprehur me heret se ish kryebashkiaku i Nju Jorkut nuk do të vihet në krye të diplomacisë amerikane. Sipas revistës, miku i vjetër besnik është lënë jashtë përpjekjeve për krjimin e ekzekutivit dhe është zëvendsuar nga konservatorë të tjerë.
Në fakt, disa prej ndjekësve të hershëm të Trumpit, qofshin ata personazhe të profilit të lartë si Xhuliani apo edhe pjestarë stafi të fushatës të cilët që e kanë mbështetur që në hapat e parë të përpjekjes për Shtëpinë e Bardhë, shprehen të zhgënjyer nga mënjanimi që po u bëhet.
Chris Christie është një tjetër politikan i pashpërblyer për mbështetjen e tij. Guvernatori i Nju Xhersit nuk dëshiron megjithatë të bëhet më pjesë e spekullimeve publike e thotë se do të jetë i kënaqur nëse mbetet në nivelin e këshilltarit jozyrtar. Për postin e shefit të diplomacise vazhdon të lakohet emri i ish kritikut të ashpër të Trumpit, Mitt Romney.
Trumpi vetë nderkohe mësohet se do të vazhdojë të mbetet producent ekzekutiv i reality show-t “Celebrity Apprentice”, moderatori i ri i të cilit Arnold Schwarzenegger e mbrojti këtë vendim duke thënë se ngjason shumë me tranzicionin e tij mes argëtimit dhe politikës.
Diskutime rreth kësaj post