Shuma vajza dhe gra nuk kanë parë kurrë një burrë ose një grua duke u masturbuar. Megjithatë shumica prej nesh do ta gjenin interesante, por dhe erotike të shihnin një partner duke u masturbuar. Sot do të flasim pikërisht për këtë: masturbimi në prezencë të partnerit.
Për ata që janë hetero masturbimi para partnerit mund të kërkojë në rradhë të parë shumë besim. Kjo sepse masturbimi si proçes është shumë më zbulues në krahasim me llojet e tjera të të bërit seks. Mund të të bëjë të ndihesh shumë vulnerabël nëse partneri yt të zbulon duke e bërë. ( Hmm çkemi i/e dashur, ja isha këtu para kompjuterit duke kaluar pak kohë). Megjithatë shumica prej nesh vazhdojnë e masturbohen dhe kur janë në një marrëdhënie, dhe ja arsyet pse:
• Ka shume erotizëm dhe një ndjenjë si “ndalese” kur shohim një partner duke u masturbuar. Kjo vlen njësoj si për burrat ashtu dhe për gratë.
• Nëse partneri yt të sheh duke kënaqur veten, mund të mësojë se si mund të të kënaqë.
• Orgazmat gjatë masturbimit janë më të forta se ato gjatë seksit. Mund të rrisë nivelin e intimitetit, sidomos nëse psh mbështetesh te partneri gjatë aktit.
• Të masturbohesh me partnerin është një mënyrë shumë e mirë dhe për të evituar sëmundjen seksualisht të trasmetueshme.
• Njerëzit kanë pritshmëri jo reale kundrejt seksit. Do të ndodhë shpesh herë që ti ose partneri yt nuk jeni në terezi për të bërë seks. Do të ketë raste kur seksi oral që performove do të kënaqë partnerin aq shumë sa ai/ajo do të flejë menjëherë. Masturbimi është zgjidhje shumë e mirë sidomos nëse partneri është i/e lodhur apo jo i/e eksituar.
• Shumë herë kemi nevojë të kalojmë kohë me veten. Nëse kjo është një pjesë të cilën e ke biseduar me partnerin, nuk ka asgjë të keqe të marrësh në kontroll të ardhmen e orgazmave të tua.
• Ndonjëherë ndoshta dhe partneri do të shtrihet pranë teje për t’u masturbuar.
• Nëse stina e verës është shume e nxehtë dhe e lagësht, që të evitosh nervozizmin që të vjen nga përqafimet plot djersë, mund të masturbohesh solo ose me partnerin duke ndjekur këshillat e mësipërme.
• Kur masturboheni para njëri-tjetrit mos harroni që mund të rrisni kënaqësinë duke marrë pjesë në masturbim. Për burrat funksionon shumë mirë përkedhelja në testikuj, ndërkohë që për gratë përkedhelja në thithka, gjoks, ose dhe fjalë të pista të thëna ngadalë. Ka një pafundësi mundësish.
Shumë prej nesh fantazojnë mbi faktin që njëherë që do të jenë në një marrëdhënie nuk do të masturbohen më. Në shumicën e rasteve kjo mund të ndodhë në muajt ose vitet e para të lidhjes. Ose nuk ke nevojë të masturbohesh ose nuk e mban mend pse e bëje kaq shpesh. Ka marrëdhënie të tjera pastaj në të cilat nuk ndalon kurrë së masturbuari, ose në të cilat sa më shumë të jesh i/e kënaqur seksualisht aq më shumë masturbohesh.
Në fakt pjesën më të madhe të kohës është e pamundur të kënaqësh partnerin. Kjo sepse mund të kesh një projekt në punë, një ide të re që të rri në kokë dhe gjëja e fundit që do të bësh, është seks. Ose nuk ke asnjë gjë që të shqetëson përpos faktit që nuk do të bësh seks dhe të kesh kontakt fizik. Këto janë momentë në të cilat ndihma më e madhe mund të vijë nga masturbimi individual.
Cilado që të jenë arsyet dhe momenti kur partneri/ja masturbohet, nëse kjo gjë të krijon pasiguri apo habi apo mërzi, mënyra më e mirë është komunikimi apo dialogu. Gjithsesi nuk do të thotë që nëse partneri masturbohet fshehurazi apo menjëhrë mbas seksit, apo gjatë natës se i ka dalë gjumi, ai/ajo nuk është i/e kënaqur nga marrëdhënia juaj seksuale.
Nga Zhaklin Lekatari
Diskutime rreth kësaj post