Kryeministri Edi Rama ka njoftuar në mbledhjen e sotme pezullimin e aktiviteteve publike, por si duket se vendimi nuk do të prek punën e Kuvendit. Të pyetur nga Ora News, deputetët e PS u shprehën se duhet vetëm kujdes për mbrojtjen nga koronavirusi.
Klodiana Spahiu: Unë doja të bëja një apel për nxënësit që nuk janë më në shkollë: mbyllja e shkollave nuk do të thotë që të rrijnë rrugëve dhe në lokale, por të rrinë në shtëpi, të evitojnë lokalet e të evitojnë ambientet që janë me njerëz për të mos e çuar virusin në shtëpis sepse të moshuarit janë më të riskuar. Të evitojnë kontaktet me njerëz.
Mirela Kumbaro: Të gjithë duhet të bëjmë kujdes. Duhet vetëm kujdes.
Ndërkohë, në mbledhjen e Grupit Parlamentar të PS, kryetari i grupit socialist, Taulant Balla është shprehur se do të zbatohen të gjitha rekomandimet.
Taulant Balla: Kuvendi do të vazhdojë normalisht punën. Të zbatojmë pikë për pikë rekomandimet dhe urdhrat e specialistëve të Ministrisë së Shëndetësisë. Nuk ka vend për panik prandaj vazhdoni punën në komisione dhe seanca plenare.
Kujtojmë se Lulzim Basha ka anuluar takimet publike të planifikuara për shkak të konfirmimit të dy rasteve me koronavirus në vendin tonë.
Diskutime rreth kësaj post