Talenti i shqiptar i kthen përgjigje Milanit dhe Barcelonës

Talenti i kombëtares së Kosovës, Edon Zhergova është përfolur së fundmi për një transferim të bujshëm drejt Milanit ose Barcelonës.

“Sportmediaset” ka raportuar dy ekipet e njohura europiane janë vënë në gjurmët e sulmuesit shqiptar.

Megjithatë, lidhur me këtë çështje ka ardhur edhe vetë reagimi i futbollistit.

Ai për “Gazeta Ekspres” deklaron se ndihet i nderuar nëse do luante me një nga këto dy ekipe.

Zhergova shprehet:

Ndihem shumë mirëkur dëgjoj interesime të tilla për mua. Normalisht se do të ishte nder të luaja në një klub si Barcelona apo Milani. Por, kam edhe oferta të tjera dhe jemi në bisedime.
Edhe pse nuk kam pasur minuta të mjaftueshme me Genkun, unë kam punuar shumë dhe do të vazhdoj të punoj si gjithmonë. Tashmë jemi në bisedime për të zgjedhur opsionin më të mirë për mua.”