Të gjithe duhet të pyesim vehten si shqiptarë. A kemi liri? A kemi demokraci? A kemi standarte? A kemi respekt të shtetit karshi atyre që e votojnë? A janë pushtetarët shërbëtorë të njerëzve?. Këto ishin disa nga pyetjet që u shtruan në takimin e strukturave të Partisë Republikane në Selitë.
Kreu republikan Mediu tha se, “ Regjimi i korruptuar i Ramës ka uzurpuar cdo gjë”.
Fatmir Mediu:
“Nuk të bën njeri fakti se je kryeministër, je deputet apo je ministër, por kur je në këto pozicione ke disa detyrime shumë të mëdha, që të besosh tek njerëzit, të punosh për njerëzit dhe të vlerësosh çdo gjë që kërkojnë njerëzit”.
“Edi Rama është personifikimi i njeriut i cili përbuz, shan, fyen cdo njeri që do të ndal babëzinë e tij për pushtet”. “Ai urren çdo vlerë dhe traditë të shqiptarëve”, tha kreu i PR.
“Një njeri që shan, një njeri që fyen, një njeri që përbuz, nuk mund të ndërtojë, vetëm shkatërron”.
“Shqipëria është një vend shumë i vogël. Shqipëria nuk mund të ndërtohet nëpërmjet konfliktit. Shqipëria ka vlera, ka tradita, të cilat po përpiqen t`i shkelin me këmbë, këta që janë sot në pushtet”.
“Prandaj ka ardhur momenti që ne duhet të ndryshojmë në 25 Prill”, tha Fatmir Mediu gjatë takimit.
Diskutime rreth kësaj post