Surprizon moti në fundjavë, ja çfarë parashikohet të ndodhë me temperaturat

Dita e shtunë pritet të jetë nën ndikim të kushteve atmosferike të paqëndrueshme. Moti parashikohet me alternime kthjellimesh dhe vranësira hera-herës deri të dendura. 

Përgjatë vijës bregetare priten reshje shiu të herëpashershme me intensitet të ulët. Në orët e pasdites reshjet e shiut do të shtrihen edhe në pjesën jugore të vendit me intensitet të ulët të karakterit lokal.

Sipas Shërbimit Meteorologjik Ushtarak, dita e diel do të jetë nën ndikim të kushteve atmosferike të qëndrueshme, të cilat do të sjellin mot me alternime kthjellimesh dhe vranësira.

Era pritet të jetë nga veriperëndimi-jugperëndimi me shpejtësi mesatare 1-6m/sek, e hera-herës fiton shpejtësi deri në 12m/sek.