Surprizat e motit, ja kur do të bjerë borë në Tiranë

Për të gjithë ata që menduan se e kaluan dimrin pa dëborë në Tiranë, kujdes…moti ka surpriza për ju.

Sipas sinoptikanëve fillimi i vitit të ardhshëm do të sjellë reshje borë në të gjithë territorin e vendit. Ndërkohë që në datë 2 Janar, reshjet e dëborës pritet të vijnë edhe në Tiranë.

Ndërkohë që për ditën e nesërme, parashikimi i motit është si mëposhtë:

Kthjellime dhe vranësira kalimtare dominojnë zonat Qendrore dhe Jugore ndërsa vranësira më të shpeshta do të ketë në Veri dhe zonat Lindore.

Gjatë pasdites vranësirat shtohen në gjithë territorin duke sjellë shira të dobët në ekstremet Veri- Jug dhe reshje të pakta dëborë në zona të izoluara në Veri- Verilindje ndërsa pjesa më e madhe e Shqipërisë mbetet e rrezikuar nga reshje të përkohshme shiu.

Sipas MeteoAlb, temperaturat e ajrit mbeten të pandryshuara gjatë orëve të para të ditës por një rënie të lehtë sjell mesdita në gjithë territorin.

Era do fryjë e lehtë dhe mesatare, me shpejtësi 25 km/h nga drejtimi Jugperëndimor ndërsa në det dallgëzimi mbetet 1- 2 ballë.

Europa 

Europa Perëndimore dhe pjesërisht zonat Qendrore të Europës paraqiten me vranësira dhe reshje shiu e dëbore. Ndërsa reshje të dendura dëbore do të ketë në rajonin e Baltikut dhe Europën VeriLindore.

Moti i kthjellët mbetet dominant në pjesën më të madhe të Europës Jugore si edhe në zonat Lindore të kontinentit Europian.