Sulmi në Izrael, Edi Rama: Shqipëria e dënon ashpër, të vendosur kundër terrorizmit, Hasani: Mendimet tona me familjarët e viktimave

Shqipëria ka dënuar ashpër sulmin e ndërmarrë nga Rripi i Gazës me mijëra raketa kundrejt Izraelit, kryeministri Edi Rama, thotë se vendi ynë qëndron i vendosur kundër terrorizmit.

“Dënoj fuqishëm sulmin terrorist të Hamasit kundër Izraelit. Ne qëndrojmë të vendosur kundër terrorizmit. Mendimet tona janë me viktimat, familjet e tyre dhe gjithë Izraelin”, shkruan Rama.

Një reagim ka pasur edhe nga ministri i Jashtëm, Igli Hasani, i cili thotë se mendimet tona janë me viktimat, familjet e tyre dhe gjithë Izraelin

“Shqipëria dënon ashpër sulmin e mëngjesit të sotëm nga Hamasi kundër Izraelit. Ne qëndrojmë të vendosur kundër terrorizmit. Mendimet tona janë me viktimat, familjet e tyre dhe gjithë Izraelin”, shkruan Hasani.

Ndërkohë, ministrja e Jashtme thotë se deri më tani nuk raportohet për asnjë shqiptar të lënduar.

Për çdo rast, shqiptarët mund të kontaktojnë me Ambasadën Shqiptare në Izrael në numrin:+972 54-4806601