I ftuar në emisionin “Ekopolitikë”, avokati Spartak Ngjela deklaroi se nëse kemi mangësi në sistemin gjyqësor, mund të huazojmë edhe gjyqtarë të huaj. Por Ngjela ka besim te magjistratët e rinj, ndonëse ata që janë të përfshirë në sistem janë të pakët dhe ende të rinj.
“Këtu nuk ka pushtet gjyqësor. Amerikanët dhe gjermanët e kapën, që nëse duan të bëjnë ndonjë gjë, duhet filluar nga pushteti gjyqësor. Andej kanë filluar por pengesa ka pasur shumë.
Pa bërë atë nuk bëhet asgjë. A kemi ne personalitete këtu që të mbajnë drejtësinë dhe a duhet t’i drejtoheshim botës për ndihmë në gjyqtarë të mëdhenj?
Unë kam qenë dakord, këta thonë sovranitet. Gjyqtari nuk është pjesë e sovranitetit, është pjesë e drejtësisë. Ne nuk huazuam gjyqtarë. Nëse ti ke mangësi, duhet të kesh huazim.
Ka një fluks këtu që unë kam besim, që janë magjistratët. 90% e tyre janë shumë të aftë sepse kanë qenë studentë të shkëlqyer. Ata janë në sistem por janë pak dhe janë ende të rinj.” tha Ngjela.
Diskutime rreth kësaj post