Avokati i njohur, Spartak Ngjela më anë të një postimi në Facebook është shprehur se ish-kryeministri Sali Berisha e gjeti fajtorin më në fund, Lulzim Bashën, por nuk po pranon fajin e tij.
Postimi i plotë:
“Po mirë; ky Saliu që e gjeti fajtorin Basha më në fund, nuk po na thotë se, sa është faji i tij që e vendosi atë si kryetar të Partisë Demokratike.
Por, cili është faji kryesor i Bashës; se atë po e pranon Amerika për ta futur Partinë Demokratike në Uashington?
Logjika na thotë saktë se Saliu, pikërisht për këtë, po e fajëson Bashën; sepse Bashën e pranon Uashingtoni, dhe Uashingtoni nuk pranon Saliun.
Por le të vijojmë…
Po të mos kishte dashur Saliu, zgjidhej dot ky Basha si kryetar i Partisë Demokratike?
Po mos e kishte përjashtuar Basha Saliun nga Grupi Parlamentar i Partisë Demokratike, do të fliste Saliu kundër Bashës?
Pse, Saliu, të gjitha këto që po na thotë kundër Bashës, i ka marrë vesh pasi atë Basha e përjashtoi nga Grupi Parlamentar?
Po Saliu, që i ka kundër të gjitha këto pyetje; mendon se Shqiptarët janë pa mend në kokë?
Dhe, më në fund: çfarë kërkon të arrijë Saliu në funksion të së mirës ndërkombëtare perëndimore të Shqipërisë?
Por, nga pyetjet del se ai nuk po lufton për përmirësimin e drejtimit të Shqipërisë; por, për të shpëtuar veten.
Po si do ta shpëtojë Saliu vetveten?
Këtë, që neve na duket absurde; sigurisht që e di vetëm ai, Saliu”, ka shkruar Ngjela.
Diskutime rreth kësaj post