Avokat Spartak Ngjela shprehet i sigurt se Sali Berisha nuk hyn në parlament në shtator. Në një intervistë për rubrikën ‘Opinion’, avokat Ngjela tha se ish-kryeministrin e ndalon ligji i dekriminalizimit që e bëri vetë dhe fillimisht nuk e lejon KQZ dhe më pas Komisioni i mandateve në parlament.
Për Ngjelën, të dy këto janë në dorë të socialistëve, dhe Berisha mund të hyjë në Kuvend vetëm nëse e lejon Edi Rama.
“Merr atë regjinë, të lexojë nenin 2 pikën 2 të dekriminalizimit të ligjit. Kush është non-grata në Amerikë nuk futet në parlament. S’njohin ligjin këta. Po të shkelet ligji hyn. Jemi dakord që ka një ligj që nuk e lejon.
Pika 2 e nenit 2, bile është pika 2 dhe ka nënpikat. Non-grata në Amerikë, i dëbuar për cënim të interesit kombëtar. A ishte kështu motivi i aktit të DASH? Do hyjë thua, po si do hyjë? Do shkosh tek KQZ, që të marrë emër për emër mandatet. Shumicën në KQZ e kanë socialistët. Nuk e kalon. Do shkojë në komisionin e mandateve. Ka procedurë shumë të rreptë. Pas kësaj, vjen komision i mandateve në Kuvend që del me vendim dhe nuk e pranon.
Edhe në komision janë shumica socialistë. Nuk hyn dot, hyn vetëm në një rast, nëse e lejon Rama, Rama e do se e sheh si gogol. Nuk fiton dot Rama pa të. Do thotë Rama ishte votim i fshehtë. Ligjërisht nuk lejon dot. Mazhoranca nuk e fut. Nëse do Rama pastaj nuk e di unë.
Nëse Berisha nuk lejohet të futet në parlament, do mundohet të kapë strukturat e veta të revoltës popullore. Trupat amerikane janë këtu, mbaron loja, mat. Berisha e ka bërë ligjin e dekriminalizimit. Po je nongrata në BE e Amerikë nuk hyn, mbaron loja. Këta donin që me ligjin e dekriminalizimit të fitonin ndaj Ramës, dhe fituan. Por këta e lejuan.’’– përfundoi Ngjela.
Diskutime rreth kësaj post