Avokati Spartak Ngjela, ka reaguar për zgjedhjen e Presidentit të ri të Republikës së Shqipërisë, ku ka renditur një serë arsyesh, se përse është trembur ish-kryeministri Sali Berisha, me zgjedhjen e Bajram Begajt.
Me anë të një postimi në “Facebook”, ai thotë se Berisha është trembur në lidhje me pozicionin e tij antiamerikan, në një kohë që është nongrata në Amerikë për krime të rënda.
Ngjela tregon se jo më larg se 10 ditë më parë, Begaj është pritur me qylym të kuq në Pentagon.
Postimi i Ngjelës:
“Koha nuk ka gjuhë, por flet. Pse është trembur Saliu nga presidenti i zgjedhur rishtas Bajram Begaj: Sepse ai ka qenë Shefi i Shtabit të Përgjithshëm të Ushtrisë shqiptare? Sepse ai i ka mbaruar studimet në Shtetet e Bashkuara? Sepse në këto momente historike në Shqipëri ka një numër të konsiderueshëm forcash ushtarake amerikane? Apo, sepse Bajram Begaj, para dhjetë ditësh ka qenë i pritur me qylym të kuq në Pentagon?
Të gjitha këto pyetje janë bashkë: Sali Berisha është trembur në lidhje me pozicionin e tij atiamerikan, në një kohë që ai është nongrata në Amerike. Kurse NATO dhe shtetet e Bashkuara janë në gatishmëri ushtarake. Sigurisht kjo është arsyeja. Dhe prandaj është trembur Saliu. Nuk ka pse trembet, se ushtarakisht mund të merret nën akuzë, por përpara një gjykate, se këto janë shenjat që ai do të dalë si i akuzuar. Duhet të përgatitet që të marrë pafajësinë nga ajo gjykatë. Saliu vetë po iu thotë shqiptarëve se është i pafajshëm, por pafajësinë e tij duhet ta japë një gjykatë. Në të kundërt, nëse nuk shpallet i pafajshëm nga një gjykatë, Sali Berisha rrezikohet me gjithë familjen e tij për një burg të gjatë. Të shohim, koha nuk ka gjuhë, por ajo flet”, shkruan ai.
Diskutime rreth kësaj post