Ish-ministri i Shëndetësisë Tritan Shehu u shpreh në Ora Neës se fakti që kemi një numër kaq të lartë të infektuarish tregon për një dështim të qeverisë për parandaluar pandeminë.
Tritan Shehu: Fakti që kemi një numër kaq të lartë të infektuarish tregon për një dështim të qeverisë, dështimin e plotë të masave për parandaluar pandeminë. Tregon atë që kemi thënë prej kohësh, se jemi para një situatë që nuk është e pasqyruar sipas të dhënave dhe prandaj nuk mund të shoqërohet me masa racionale.
Ish-ministri u shpreh se masat e ndërmarra kanë qenë ekstreme dhe absurde, duke përjashtuar edhe mjekun e familjes që luan një rol të rëndësishëm për parandalimin e Covid-19.
Tritan Shehu: Kemi masa ekstreme dhe absurde, që në shumicën e rasteve ishin të kundërta me ato që duheshin marrë. Mjeku i familjes që është baza e parandalimit, është anashkaluar këtë periudhë. Kjo që po ndodh është ajo që pritej si pasojë së politikave dhe paaftësisë dhe mungesë së transparencës së kësaj qeveri në raport me luftimin e Covid-19.
Shehu shtoi se gjithçka është bërë për propagandë, pasi komiteti teknik nuk u pa kurrë aktiv dhe nuk kishte kundërshti apo mendime ndryshe me qeverinë.
Tritan Shehu: Gjithçka që është bërë këtu është bërë për propagandë. Kishim një komitet që asnjëherë nuk u pa të ishte aktiv, apo të kishte një mendim ndryshe në raport me qeverinë. Nuk u shfrytëzuan të gjitha kapacitetet laboratorike në vend, por u mbajtën vetëm dy laboratorë në mënyrë inkuzicionale, ashtu sikurse kanë bërë të gjitha vendet e tjera.
Diskutime rreth kësaj post