“S’ka më kohë”, Ambasadori britanik në Tiranë del me apelin e fortë për qeverinë dhe opozitën

Ambasadori i Britanisë së Madhe në Shqipëri, Duncan Norman i ka kërkuar sërish partive politike në vend që t’i përmbahen marrëveshjes së 5 qershorit, e cila sipas tij u arrit me mjaft mund edhe nga ndërkombëtarët.

Norman tha se megjithatë, nëse palët bien dakord, ata mund të dalin përtej kësaj marrëveshjeje, por koha është e shkurtër dhe gjithçka duhet të arrihet shpejt.

“Në mbështesim fuqimisht marrëveshjen e 5 Qershorit, për të cilën punuam në një kohë të gjatë për ta arritur. I përket palëve nëse duan të bëjnë diçka përtej asaj marrëveshjeje. Por, sigurisht koha është e shkurtër dhe duhet të gjënë një marrëveshje shumë shpejt nëse duan të bëjnë një marrëveshje përtej 5 qershorit.

Duhet që të gjitha palët të negociojnë në mirëbesim që të gjejnë një konsensus. Shqipëria ka një histori të gjatë në udhëtimin e saj për gjetjen e një konsensusi për Reformën Zgjedhore. Shpresoj që në ditët në vijim palët të gjejnë një konsensus dhe ne ta shohim atë“, – tha ai.