Rindërtimi i zonave të dëmtuara nga tërmeti i 26 nëntorit të vitit të kaluar ka nevojë edhe për forcë punëtore. Drejtuesit e kompanive të ndërtimit i janë ankuar kryeministrit se nuk ka punëtorë.
Teksa ka inspektuar punimet në Durrës, Rama tha se është miratuar ligji për të sjellë punëtorë nga jashtë vendit, edhe pse kjo duket absurde tha ai.
Edi Rama: Vijnë të tjerët nga fundi i botës të punojnë në Shqipëri edhe këtu nuk vijnë, duan punë shteti.
Kryeministri kërkoi ndihmën e punëtorëve të ndërmarrjeve të bashkive, duke i punësuar ata edhe në privat. Në këtë mënyra tha Rama edhe ata do të paguhen më shumë.
Edi Rama: Duhet bërë diçka me punëtorët e bashkisë të ndërmarrjeve, merrini shkëputini dhe atashojini dhe ata paguhen si punëtorë ndërmarrjesh, këta janë gati ti paguajnë dhe ata marrin më shumë.
Për ironi, Rama përballet me disa të rinj të papunë, të cilët ishin duke konsumuar kafe. Ai i ftoi ata të punoni në kantieret e ndërtimit për rikonstruksionin e pallateve.
Edi Rama: Emo çuna mirë, ç’thotë puna?
Qytetari: “Pa punë”
Edi Rama: Po hajde pra puno këtu
Qytetari: “Ndërtim?”
Edi Rama: Po pse ça do ti, doganier?
Qytetari: “Po, kam mbaruar shkollën unë”
Edi Rama: Ëëëë ke mbaruar shkollën ti…jurist.
VIDEO:
Diskutime rreth kësaj post