Avokati Spartak Ngjela ka reaguar pasi Kongresi certifikoi Joe Biden si president të SHBA. Ngjela ngre dyshimet për fatin e Donald Trump. “Sot bota e lirë u gdhi e gjitha optimiste, sepse qëndra e aspiratës njerëzore për liri, është sot ajo që ka qenë, madje më e fortë, shumë më e fortë.
Po me puçistin e çmendur Donald Trump, çfarë do të bëhet?
Kjo ka si përgjigje, vetëm këtë pyetje:
A do ta zbatojë zëvendës presidenti Mike Pence amendamentin 25 të Kushtetutës së Shteteve të Bashkuara të Amerikës?”, shkruan Ngjela duke sqaruar çfarë përmban ky amendament.
Postimi i Ngjelës
“Një tallje çmendurie për grusht shteti shkundi demokracinë amerikane, por vetë kjo demokraci i thehu hundët një presidenti të marrë që, me grusht shteti, kërkonte të bëhej diktator.
Donald Trump, sot nuk është më president i Shteteve të Bashkuara.
Por demokratët, në të gjithë botën, sot duhet të jenë krenarë se Demokracia Amerikane dhe sistemi institucional i kësaj demokracie, është solid, i vendosur deri në fund, dhe i palëkundur.
Sot bota e lirë u gdhi e gjitha optimiste, sepse qëndra e aspiratës njerëzore për liri, është sot ajo që ka qenë, madje më e fortë, shumë më e fortë.
Po me puçistin e çmendur Donald Trump, çfarë do të bëhet?
Kjo ka si përgjigje, vetëm këtë pyetje:
A do ta zbatojë zëvendës presidenti Mike Pence amendamentin 25 të Kushtetutës së Shteteve të Bashkuara të Amerikës?
Çfarë thotë amendamenti 25?
Amendamenti 25 i Kushtetutës ka katër pika, në lidhje me aftësinë mendore të presidentit. Tre të parat janë arsyet e mungesës së gjatë në zyrë dhe deklarimit të vetë presidentit për të shprehur paaftësinë e tij mendore, domethënë për të mos, qenë më president.
Pika e katërt shprehet se: paaftësinë mendore të presidentit e vërteton vetë zëvendës-presidenti bashkë me stafin e presidentit.
Menjëherë pas kësaj, zëvendës-presidenti juridikisht zë vendin e presidentit të Shteteve të Bashkuara.
A mund të ndodhë kjo?
Të presim, sepse gjithçka është në dorë të Mike Pence.” – shkruan Ngjela.
Diskutime rreth kësaj post