Silva Caka, kandidate për deputete e LSI-së ka komentuar ecurinë e fushatës për zgjedhjet e 25 prillit. Caka tha se fushata gjatë pandemisë nuk lejon që të krijohet një frymë për shkak të mungesës së grumbullimit të njerëzve, mirëpo për të një gjë e tillë nuk është e nevojshme meqenëse qytetarët, të lodhur nga 8 vite qeverisje nga PS, nuk kanë nevojë për frymë për të mos e votuar atë.
Në lidhje me fletën e votimit, Caka tha se e konsideron si një ndër veprimet e shumta të Ramës për të treguar se ky i fundit i trajton njerëzit si dele, si nëse bëhet fjalë për qytetarët që e votuan, si për personat që ka në partinë e tij.
“Më duket si një fletë matrikullimi delesh, pasi me të gjitha ligjet dhe veprimet që ka ndërmarrë, me mënyrën se si i trajton personat që e sollën në pushtet gjatë tetë viteve qeverisje është pikërisht si një tufë me dele. E njëjta gjë ka ndodhur edhe me listat e zgjedhjeve”, tha znj. Caka.
Sipas Silva Cakës, ajo çfarë Rama ka për synim të arrijë me këtë format flete votimi është që të mos votohen socialistët e vjetër të PS-së.
“Ata që penalizohen janë socialistët e paktë që kanë ngelur në listën e Rilindjes së Edi Ramës. Këta socialistë kanë qenë frika e Edi Ramës. Për t’i sfumuar, përveçse i degdis në fundin e listës, ju heq edhe emrat”, tha kandidatja e LSI-së, ndërsa theksoi se për LSI-në nuk përben problem çështja e kandidatëve, pas e rëndësishme është vota e subjektit politik.
Diskutime rreth kësaj post