Ish-deputetja e PD-së Grida Duma është shprehur se tashmë opozita nuk e njeh më Edi Ramën si kryeministrin e Shqipërisë.
Duma është shprehur se për të shmangur thellimin e krizës politike në vend, opozita mund ta paranojë Ramën në tryezë vetëm si kryetarin Partisë Socialiste.
Ish-deputetja foli dhe për platformën e qeverisë tranzitore që ka përgatitur opozita, duke thënë se ndryshimet fillojnë që nga kontratat e punësimit deri te detyrat ekzekutive të qeverisë.
“Principet e kësaj platforme kanë të bëjnë me principet që duhet të caktojë qeveria për të shkuar në një rrugë zgjidhje. Kanë të bëjnë qysh nga kontratat e punës në administratës, tek karta e identitetit, të gjitha detyra ekzekutive të qeverisë. Besoj që kohëzgjatje do jetë deri në zgjedhjet e reja parlamentare. Nuk kemi një propozim individual dhe nuk jemi duke caktuar kryeministrin as individin dhe as forcën. Mjafton vetëm të mos jetë Rama. Rama në çfarëdolloj situate nuk do jetë në krye të kësaj qeveria. Rama mendoj se në sensin e partive politike ai do jetë në tryezë, pro si kryeministër i vendit për ne nuk e ka më këtë target. Unë ia kam hequr vetës mandatin dhe vazhdoj të njoh ty si kryeministër?! Në këtë sens nuk mund të ishte si kryeministër sepse do të ishte një goditje kundër vetes. Si kryeministër nuk mund të pranohet, por si pjesë e PS nuk kemi legjitimitetin të themi se nuk mund të jetë.
Pozita në të cilën kemi vendosur Ramën është një pozitë që nuk ka shumë alternativa dhe është i detyruar të shkojë drejt një zgjidhje konsensuale. Ajo çka negociohet është tejkaluar mes formales dhe reales, dhe një marrëveshje tashmë është shkelur nga ana e tij. Ne nuk jemi në Shqipërinë e cila nuk ka ligjet e duhura ne jemi në Shqipërinë që nuk i aplikon ligjet e duhura.
Ne e dimë që ai ka lidhje individuale me ata komponentët të krimit që janë problematikë në Shqipëri. Sikur ne të presim kohëzgjatjen e drejtësisë për të ndërtuar demokracinë besoj se nuk do arrijmë kurrë. Ky monitorimi nga ndërkombëtarët është si puna e monitorimit të zgjedhjeve ditën e zgjedhjeve. Nuk ndodh vjedhja e votës në kutinë e zgjedhjeve, nuk ndodh atë ditë”, tha Duma. /Opinion.al
Diskutime rreth kësaj post