Shuhet Al Jarreau, legjenda amerikane e xhazit

Al Jarreau, këngëtari legjendar amerikan i xhazit, shtatë here fitues e çmimit Grammy Awards, vdiq sot në moshën 76 vjeç, njoftoi menaxheri i tij.

Këngëtari amerikan i xhazit, me repertor të shumëllojshëm nga xhazi tek popi duke përfshirë soulin dhe funkun, vdiq në një spital të Los Anxhelosit disa ditë pasi kishte njoftuar tërheqjen nga skena për shkak  të lodhjes, dhe disa orë përpara fillimit të ceremonisë së çmimeve Grammy.

“Prioriteti i tij i dytë më i rëndësishëm në jetë ishte muzika”, deklaroi menxheri i tij Joe Gordon në një komunikatë të publikuar në faqen e internetit të këngëtarit.

“Ai nuk kishte një priopritet të tretë. Prioriteti i tij i parë ishte të shëronte dhe të ngushëllonte ata që vuanin”.

Lindur më 12 mars 1940 në Milwaukee, Alwyn Lopez Jarreau ishte djali i një pastori dhe i një pianisteje kishe. Që në moshë shumë të re ai këndoi në baret e qytetit të lindjes, ku zëri i tij nuk mbeti pa u vënë re.

Më tej ai studio për psikologji, pa hequr dorë nga kënga.