Shumë presin që qytetarët të reagojnë ndaj situatës së krijuar në vend, ku mjaft të rinj e të reja largohen pa shpresë në një vend për më mirë, me paga të mjerueshme e taksa te larta, por rezultati është i njëjtë: Askush nuk e prish terezinë!
Këtë situatë e ka shpjeguar edhe gazetari Agim Xhafka përmes një rrëfimi të një ngjarjeje në lagjen e tij.
Ai shkruan në Facebook
Çifti po dilte nga banesa, por një fuoristradë rrinte ndezur te hyrja e pallatit. “Largoje pak makinën, se nuk kalojmë dot”- i tha gruaja shoferit, një çuni të ri që fliste në celular.
“Ik, mos më çaj trapin” -dëgjoi si përgjigje.
-Po si s’ke turp që fyen?
“O buçe, do e mbyllësh buçen apo të ta kyç unë?”
Burri nuk u ndje fare, përfshiu gruan prej beli dhe u ngjitën prapë te apartamenti i tyre.
Do prisnin lart sa të ikte rrugaçi me fuoristradën.
Dhe kërkojmë të ngrihen njerëzit kundër korrupsionit të qeverisë. Shqiptari nuk e lëviz bythën as kur ia quajnë buçe gruan.
Largohet kokëulur me të dhe turpin e bën përshesh në tasin e darkës.
Diskutime rreth kësaj post