Aeroporti i Rinasit ka dhënë detaje për kategoritë e qytetarëve shqiptarë që do të lejohen të udhëtojnë drejt Polonisë, pas vendimit që ky shtet ndërmori për të mbyllur kufijtë me Shqipërinë.
Mes kategorive që lejohen të udhëtojnë drejt Varshavës janë personat e martuar apo që kanë fëmijë në këtë shtet, ose kujdesen për një person atje, personat që kanë kartë polake ose leje qëndrimi të përhershme apo leje pune, studentë dhe drejtues të misioneve diplomatike.
Ndërsa të gjithë qytetarët që kanë mbetur të bllokuar në Aeroportin e Varshavës, do të sillen drejt Shqipërisë me anë të një fluturimi shtesë.
Njoftimi i plotë:
“Në vëmendje të pasagjerëve që kanë prenotuar bileta për në Poloni
Pas njoftimit për ndalimin e qytetarëve shqiptarë drejt territorit të këtij vendi, Lot Airlines ka dërguar listën e rregullave për qytetarët/rezidentët të cilët do të mund të udhëtojnë drejt shtetit polak:
Persona që janë të martuar ose janë fëmijë të një qytetari në Republikën e Polonisë, ose janë në kujdes të vazhdueshëm të një qytetari në këtë vend;
2. Persona që kanë Kartën Polake (Karta Polaka) dhe persona të huaj të cilët kanë leje qëndrimi të përhershme ose të përkohshme brenda territorit të vendit.
3. Persona të cilët janë të pajisur me leje pune në Poloni
4. Drejtues të misioneve diplomatike brenda shtetit polak
5. Persona që janë studentë në Republikën e Polonisë, të cilët duhet të pajisen me një dokument që e vërteton këtë gjë, e më pas do t’i dorëzohet Policisë Kufitare.
Të gjithë pasagjerët të cilët nuk arritën të hynin sot në Poloni, do të vijnë drejt TIA me anë të fluturimit shtesë.
Për çdo paqartësi, këto janë mënyrat e komunikimit me zyrat qendrore të LOT Airlines:
Email: [email protected] , Pax ËAË; mob. +48536363098″, përfundon njoftimi.
Diskutime rreth kësaj post