Analisti Shpëtim Nazarko në studion e lajmeve në ‘MCN Live’ duke folur për zgjedhjet e 14 majit deklaroi se marrja e vulës nga të dyja grupet e PD-së nuk ka ndonjë rëndësi. Ai tha se marrja e vulës nga Berisha nuk është asgjë tjetër vetëm një rikthim në istikamet e vjetra, ndërsa shtoi se zgjidhja më e urtë do të ishte që opozita të propozonte sistemin proporcional.
“Vazhdoj të mendoj se historia e vulës është një histori e parëndësishme nëse PD ku qoftë grupi Berishës apo ai i Bashës se Alibeaj është një përfaqësues e quaj një histori që duhet të zgjidhet me urtësi dhe duhet që PD që tani duhet të hedhi versionin që asnjë votë e saj nuk humbet kur sheh se në horizont nuk ka asnjë pikë bashkimi. Nga ana tjetër mendoj se marrja e vulës nga Berisha është rikthimi në istikamet e vjetra, linja e tij për tu bashkuar me LSI nuk bëri asgjë vetëm asgjësoi një pjesë të mirë të votave të PD dhe në këtë sens mendoj se PD duke marrë vulën Berisha është kthim në istikamet e vjetra dhe zgjidhja më e urtë duke ja lënë kohës dhe gjithë të tjerat është kërkesa e fortë e të gjithë opozitës është propozimi i sistemit proporcional”, u shpreh Nazarko.
Më tej ai theksi se në gjendjen që është opozita nuk mund të fitojë asnjë nga bashkitë e mëdha, madje ai e dyshon edhe Shkodrën dhe sipas tij nëse kjo gjendje vazhdon kështu siç është mendoj se do jetë vetë PS që do i dhurojë një pjesë të bashkive.
“Unë them se në momentin ku jemi tani, dhe LSI do e konsideroj kontribut, pasi në gjykimin popullor nuk është se zë ndonjë peshë të madhe, të gjitha këto përpjekje nëse materializohen nga LSI do rrisnin besueshmërinë e SPAK për të goditur sa majtas dhe djathtas. Nëse ndodh kjo që thoni ju do kemi një legjitimim mbi rolin e SPAK dhe do vërë dorë dhe mbi LSI. Këto histori i bëjnë mirë vendit sepse një akuzë nëse provohet shkon në favor të opinionit publik dhe SPAK legjitimohet dhe pastaj mund të godasë dhe opozitën dhe pozitën. Por besoj se nga do ta rrotullosh ato venë tek ajo që thash në kërkimin e një sistemi proporcional për të rregulluar votat e opozitës sepse po të mbledhësh votat e LSI dhe PD ato janë të njëjta me ato të vitit 2021. Opozita s’ka asnjë rrugë, me vulën, pa vulën me LSI pa LSI, opozita vetëm dehet të kërkojë një sistem”, deklaron analisti.
Ndërsa lidhur me lëvizjen e bërë së fundmi nga Salianji, Nazarko duke e cilësuar si një histori në xungthi, theksoi se ai nuk i hyn në llogari asnjërit.
“Salianji vjen vërdallë aty dhe për historira personale, por Salianji nuk hyn dot as andej as këtej sepse është një histori më e komplikuar. Salianji nuk hyn në llogarinë e asnjërit qoftë për peshë, por gjithsesi në atë betejë kaq të rëndë s’ka kohë njeri të merret me atë. Loja e Salianjit është shumë pak për tu marrë seriozisht, e shoh si një manovër në xungthi”, shtoi në fjalën e tij analisti Shpëtim Nazarko.
Diskutime rreth kësaj post