Një 84-vjeçare ka humbur jetën mëngjesin e sotëm, pasi në banesën e saj shpërtheu një bombol gazi, shpërthimi ka qenë shumë i fuqishëm, aq sa për pasojë është shembur një pjesë e banesës.
Për shkak të shembjes, ka qenë e pamundur nxjerrja e 84-vjeçares Alie Kosova, nga rrënojat e për pasojë humbi jetën.
Ngjarja ka ndodhur rreth orës 06:00 në lagjen “11 Janari”. Alie Kosova, 84-vjeç, dhe Mustafa Kosova, 86-vjeç, jetonin të vetëm në këtë banesë.
Bashkëshorti i saj është arritur që të nxirret në kohë nga forcat zjarrfikëse dhe është dërguar në spitalin e Traumës për të marrë ndihmë mjekësore të specializuar.
Kanë qenë fëmijët e çiftit që kanë lajmëruar zjarrfikësen pas shpërthimit së bombolës, të cilat jetojnë shumë pranë shtëpisë së çiftit të moshuarve.
Për shkak të shembjes së madhe në banesë, nuk është bërë dot nxjerrja e 84-vjeçares, e cila kishte mbetur nën rrënoja dhe ishte e paralizuar.
Paraprakisht, dyshohet se shkak i shpërthimit të bombolës është bërë ndezja e një cigareje nga ana e të moshuarit dhe dyshohet se ka pasur rrjedhje gazi.
Në momentin që është ndezur cigarja bombola ka shpërthyer, duke shembur një pjesë të banesës e për pasojë humbi jetën 84-vjeçarja.
Diskutime rreth kësaj post