Shpërblimet e fundvitit, Rama tregon përfituesit për secilën kategori

Kryeministri Edi Rama, në një dalje publike nga selia qendrore qeveritare, bëri të njohura disa prej vendimeve më të rëndësishme të mbledhjes së fundit të kabinetit qeveritar për këtë vit.

Kreu i qeverisë prezantoi paketën e shpërblimeve të fundvitit për një sërë kategorish, si njerëzit në nevojë, ata me aftësi të kufizuara, pensionistët, personat që trajtohen me ndihmë ekonomike, nxënësit dhe studentët e shkëlqyer, disa punonjës të sistemit të shëndetësisë, etj.

-84 mijë përfitues të ndihmës ekonomike me 20 mijë lekë të vjetra

-68 mijë përfitues si pjesë e kategorisë së personave me aftësi të kufizuar me 20 mijë lekë të vjetra

-372. 932 pensionistë me 20 mijë lekë të vjetra

– 145 580 persona që marrin pension koperative bujqësore me 20 mijë lekë të vjetra

-3595 persona që marrin trajtim të veçantë për punë e kryer në miniera dhe disa ndërmarrje të insdustrisë ushtarake me 20 mijë lekë

– 10660 persona që marrin pension të parakohshëm me 20 mijë lekë të vjetra

-81 mijë kryefamiljarë që trajtohen me kompensim për energjinë elektrike me 20 mijë lekë të vjetra