Shkon në 104 numri i rasteve të konfirmuara me koronavirus, Manastirliu tregon se çfarë do të ndodhë këtë javë

Ministrja e Shëndetësisë Ogerta Manastirliu pranoi se në ditët në vijim do të kemi një rritje të rasteve me të prekur nga koronavirusi.

“Presim rritje, dhe kemi hyrë në një fazë të rritjes së numrit të të prekurve edhe personave që i drejtohen spitalit Infektiv. Janë 49 deri më tani pacientë të shtruar, jemi në 104 raste pozitivë.

Pritet që raste të shtohen këtë javë. Edhe modelet tona tregojnë që do të ketë rritje në vazhdim dhe ajo që presim është rritja e rasteve të konfirmuara pozitive por edhe rasteve që i drejtohen spitali”, tha Manastirliu në abc news.