“Shkëlqejnë në të gjitha fushat”, mesazhi i Metës për 8 Marsin: Të tejkalojmë pengesat që gratë dhe vajzat të ecin para

Kreu i Partisë së Lirisë, Ilir Meta ka ndarënjë mesazh me rastin e Ditës së Gruas, duke i cilësuar si gjysmën më të rëndësishme të shoqërisë.

Meta thotë se të gjithë duhet të bashkojmë përpjekjet për të tejkaluar pengesat në mënyrë që gratë dhe vajzat të shprehin gjithë potencialin e tyre.

Mesazhi:

“Gëzuar të gjitha grave, nënave dhe vajzave shqiptare kudo ku ato janë. Gratë, nënat dhe vajzat janë gjysma më e rëndësishme e familjeve tona dhe shoqërisë tonë.

Ato janë baza e edukimit të fëmijëve tanë dhe e fateve të së ardhmes së vendit tonë. Ato shkëlqejnë në të gjitha fushat ndaj dhe duhen mbështetur më fortë për të shprehur gjithë potencialin e tyre.

Sot ato janë mjeke, pedagoge, politologe, sipërmarrëse, juriste, mësuese, menaxhere, nëna.

Gëzuar dhe njëherë 8 marsin dhe le të bashkojmë të gjithë përpjekjet tona që të tejkalojmë çdo pengesë dhe vështirësi në mënyrë që gratë, që nënat dhe vajzat shqiptare të shpërthejnë duke shprehur gjithë potencialin e tyre dhe energjitë më pozitive në të mirë të familjeve tona, të shoqërisë e sidomos të mirëedukimit dhe lumturisë së fëmijëve tanë.”-shprehet Meta.