Furtunë në burgje. Shkarkohen disa drejtorë, ndërsa janë zbuluar një sërë shkeljesh skandaloze të kryera në vendet e vuajtjes së dënimit, shkelje të cilat janë injoruar nga ish drejtuesit e ministrisë së Drejtësisë. Ministrja e Drejtësisë Etilda Gjonaj, ka bërë të ditur pak minuta më parë se është shkarkuar drejtori i burgut të Peqinit, Lushnjes, Durresit, Lezhes, Sarandes, Beratit, Tepelenes, Rrogozhinës, për shkelje ligji dhe për faktin se dy prej tyre kanë rezultuar edhe me precedentë penale. Ministrja e Drejtësisë nuk eshte mjaftuar vetem me shkakrkimin por pritet t’i dërgoje ata edhe për ndjekje penale. Ministrja deklaroi se drejtorët e shkarkuar akuzohen për shkelje të rënda, që rrezikonin sigurinë në burgje.
“Kontrollet e kryera kanë evidentuar shkelje të rënda, shkelje që rrezikojnë sigurinë e burgjeve. Sot hapim garën për 23 drejtues të burgjeve dhe paraburgimeve në të gjithë vendin. Nuk do te tolerojme abuzimin me detyren”, deklaroi Gjonaj.
Gjonaj pohoi se 6 prej këtyre rasteve akuzon se fusnin lëndë narkotike nëpër burgje. “Ata akuzohen për shkelje te perseritura te rregullores ne burgje, mosmarrje e masave per ushtrim te dhunes, emerime ne kundershtim me ligjin, mosmarrje e masave per korrupsionin”, tha ministrja.
TE SHKARKUAR:
Drejtori i IVP-së Lezhë për shkelje administrative dhe shpërdorim detyre, Gëzim Ngjeci
Drejtori i IVP-së Rrogozhinë për shkelje administrative dhe shpërdorim detyre
Drejtori i IVP-së Lushnje për shkelje administrative dhe shpërdorim detyre
Drejtori i IVP-së Peqin për shkelje administrative dhe shpërdorim detyre
Drejtori i IVP-së Tepelenë për shkelje administrative
Drejtori i IVP-së Sarandë për shkelje administrative dhe figuron person i dënuar më parë
Drejtori i IVP-së Berat shkelje administrative dhe person me precedent penal
Drejtori i IVP-së Durrës për shkelje administrative dhe shpërdorim detyre
Diskutime rreth kësaj post