Damian Gjiknuri nuk do të jetë më numri dy i Partisë Socialiste. Pasditen e së mërkurës, kryeministri dhe kryetari i PS-së, Edi Rama e shkarkoi si Sekretar të Përgjithshëm në Asamblenë Kombëtare. Këtë vendim e ka komentuar dhe kryetari i Partisë së Lirisë, Ilir Meta gjatë një interviste për gazetaren, Erneta Shevroja. Ai e ka konsideruar të pritshëm, duke theksuar se Gjiknuri është i përfshirë në afera e vjedhje votash.
Ishte për ju i papritur shkarkimi i Damian Gjiknurit? Pse mendoni se mund të ketë ndodhur?
“Nuk besoj se ka lajme të reja nga selia e Partisë Socialiste. Kemi të bëjmë gjithmonë me lëvizje gurësh shahu për të vazhduar të njëjtën lojë, edhe për të mbajtur në këmbë këtë sistem, i cili është ndërtuar falë kapjes së shtetit me një njeri të vetëm. Ndaj dhe dje në vend që të shikonit një atmosferë të gëzueshme, festive apo të hapur, mbas një fitore të jashtëzakonshme më 14 Maj. Ju patë për aq sa ndoqët një mbledhje të mbyllur dhe për çudi një shkrirje të sekretarit të partisë, i cili normalisht kishte punuar, sipas rezultateve. Pra, jemi në një krizë të jashtëzakonshme për shkak të kapjes së shtetit, jo thjesht nga një parti e vetme, por dhe nga një person i vetëm, për shkak të asgjësimit të votës së lirë dhe llogaridhënies brenda kësaj partie, por njëkohësisht në të gjithë institucionet e shtetit përfshirë dhe kuvendin e Shqipërisë. Natyrisht, kjo krizë të tilla absurditete do të prodhojë në vazhdimësi”.
Po lidhur veçanërisht me emrin e Damian Gjiknurit?
“Nuk kam asnjë koment të veçantë, për arsye sepse jam shprehur dhe më parë për përgjegjësitë e tij dhe arrogancën e tij, për shumë çështje, ku ai ka qene pjesë e shkeljeve të ligjit, të manipulimit të shumë çështjeve, siç ka qene rasti i provuar botërisht i tërmetit të Dibrës dhe jo vetëm atje, edhe natyrisht të gjitha aferave të cilat padiskutim i ka mbështetur me garanci të Edi Ramës”. tha ai.
Diskutime rreth kësaj post