Shira dhe shtrëngata gjatë fundjavës, ja në cilat zona (FOTO)

Duket se në fundjavë do të rikthehen reshjet e shiut dhe temperaturat do të ulen.

Sipas Institutit të Gjeoshkencave Energjisë, Ujit dhe Mjedisit zonat më të rrezikuara për reshjet janë ato bregdetare dhe malore, ku mund të ketë edhe shtrëngata.

Më poshtë parashikimi i motit për pasdite e nesër:

Reshjet

Sot pasdite dhe nesër pasdite priten reshje të dobëta në disa prej qarqeve (siç tregohet në tabelë, respektivisht për secilin qark).

Në qarkun Vlorë ato mund të jenë deri lokalisht mesatare.

Në këtë qark në zona shumë të kufizuara, nuk përjashtohet mundësia (ndonëse shumë e vogël) që të ketë ndonjë reshje në formë shtrëngate me kohëzgjatje të shkurtër (jo më shumë se 1 orë), më e mundshme në terrenet malore (dhe ato pranë tyre).

Temperaturat

Nesër temperaturat minimale dhe maksimale të ajrit pritet të arrijnë:

në bregdet: 18 / 26 °C

në vendet e ulëta: 15 / 28 °C

në vendet malore: 10 / 19 °C

Era

Sot pasdite dhe nesër era do të vazhdojë të fryjë e lehtë deri mesatare, për momente të shkurtra deri e fortë.

Zjarret në pyje

Sot pasdite dhe nesër shumica e qarqeve do të jenë në nivelin “i moderuar” të rrezikut.

Qarqet Gjirokastër dhe Berat pritet të jenë në nivelin “i ulët”, ndërsa Vlora “s’ka rrezik” për zjarre (siç tregohet në tabelë, respektivisht për secilin qark).

Ndërmjet qarqeve me rrezik “i moderuar” qarqet KUKËS dhe LEZHË pritet të jenë në rrezik më të lartë krahasuar me të tjerët.

Rreziku pritet të jetë më i lartë gjatë ditës së sotme.

Foto: